Dear Papa Joe,
Nagsuwat ko nimo aning akong problema basin og naa kay ikatambag unsay angay nakong buhaton.
Ako diay si Myrna, 18 years old nga taga Cebu ra. Ang akong problema kay wala koy self-confidence tungod sa akong hitsura. Sa pagkagamay man gud nako wala kaayo ko naatiman sa akong mama kay busy siya pagpamaligya ug sud-an sa among lugar, kanang isuroy.
Kuyog man ko niya mao nga dili malikayan nga malunaw ko sa mga hugaw nga lugar ug ang ending kay gikagid kagid ko og tungod niini, ang mga uwat wala pa gyud mangatangtang.
Mao ni akong problema kay sa school sa PE namo kay mauwaw ko mag-shorts ug tan-awon ko sa akong classmates nga klaro kaayo nga naay pagsaway. Mao nga ubos kaayo akong self-esteem kay dili ko kalihuklihok nga sama sa usa ka normal ug malipayon nga dalaga. Unsa may angay nakong buhaton? Tambagi ko.
MYRNA
Myrna,
Akoa lang para nimo nga uÂtong lang sa sa imong sitwasyon kay moabot ra ang panahon nga mawala na ang mga uwat.
Pero sayang sad lagi ang panahon nga nausik kon diin ganahan sad ka mosul-ob og mga shorts pero mauwaw lang ka.
Sa PE nimo day pwede man siguro ka mag-stockings kon mauwaw gyud ka. Pwede sad gyud nga sagdahan nimo ang magtan-aw nimo kay maski unsa ka perpekto sa panit sa usa ka tawo naa gihapoy pagsaway.
Remember naa ka sa school para sa imong future ug dili para i-validate ug madawat ka sa mga tawo nga dili gani siguro parte sa imong future.
Unya og makatrabaho na ka, dali na kaayo na nimo patambalan sa mga eksperto. Ayaw padala sa tama, skin deep ra na siya.
Papa Joe
(sa inyong tampo ipadala lang sa papajoesuperb@gmail.com)