Dear Papa Joe,
Bahin kini sa akong kapuyo ba nga nag-micro cheating nako. Ako diay si Mayang, 25 years old ug may usa ka anak nga baby pa. Nasakpan man gud nako ni akong ka live-in nga mo-message ug mo-like sa ilang kaubang babaye pero wala man koy nakita nga love love kon dili kumusta ra man. Pero ako siyang gikumpronta ani pero ni-deny siya ug niingon nga amiga ra daw sila ug siyempre ila man gi-train mao nga mangumusta sad siya.
Pero naa nay panahon nga madugay na siya gamay ug uli ug matod pa niya gauban ra daw sila sa ilang barkada sa work, pero lain man gyud akong gipamati. Akong gi-stalk ang mga FB sa iyang barkada ug tuod man gauban sila didto pero ngano’ng sa kada picture nila tapad sila ug sweet ba. Ako na sad siyang giaway ug ni-promise nga dili na siya paduol pero mag-overthink gyud ko. Dili ko mahimutang ug magsige na lang ko og hilak. Tambagi ko unsaon nako maka-get over ani.
Mayang
Mayang,
Lahi baya gyud ning women instinct, dili man sad na nimo mapugos og paangkon kon wala kay ebidensya. Lisod sad imong sundan nga naa man kaha kay baby, maangin lang nuon na, basin masakit pa.
Dili nato sad malikayan nga puwedi naa silay relasyon o naa siya'y gusto mao sikit siya permi. Ayaw lang sad padala ana, estoryahi lang og tarong imong paris. Pakonsensyaha siya nga naa ka ug imong anak ga-love niya.
Nasayod ta, dili dali ang pagbalik sa sayop pero ikaw ang gaingon nga micro cheating. Meaning imo pang gidapigan nga dili dako iyang sala nga kon micro man gani pero tinuod kay cheating gihapon na.
Lisod gyud sad og dili mo kasado, wala sad gyud kay seguridad ana. Again estoryahi ninyo og tarong. Panimba mo para samot makonsensya imong paris nga magbinuang. Ampo lang gyud sa Ginuo.
Papa Joe