Dear Papa Joe,
Bunga kaha ni sa akong pagka aktibo kaniadto nga bata pa ko?
Ako diay si Rod, 34 anyos, minyo ug may usa ka anak.
Nagsugod ning akong suliran bag-ohay pa lang kay akong nabatyagan nga murag di naman motusik ang manok, mokakak na man.
Nasayud ko nga lapoy ang akong lawas kay usa ko ka bus driver, pero sa una di man, kaya man kaayo mangawras ang liyon sa karnero.
Pero karon moaksyon, pero mauwaw.
Maikog na kaayo ko sa akong asawa kay madismaya na siya kay syempre naanad baya siya.
Naa pay mga higayon nga ingnon ko niya nga wa na siyay lami o ba kaha naa koy lain.
Naunsa kaha ko, Paps, no? Nga ingon pa sa uban nga ka bata pa daw nako. Basin naa koy sakit.
Tambagi ko palihug.
ROD
Rod,
Mas mopabor ko sa ideya nga basin naa kay sakit nga gipamati ug apil na ang imong kahago ana.
Sa una, okay ra kay bata pa man ka.
Kon sa battery pa ka, wa pa ka moburot, dugay mo discharge.
Mas maayo nga magpa check up ka.
Basin diabetic ka nga maka cause sad og erectile dysfunction mao nga magpakonsulta ka kay doktor ra gyud ang makatambag nimo og sakto.
Kon unsa man sad gani, mas maayo nga mopahuway sa ka og taas taas nga panahon.
Paminawa, basin manumbalik ang kahimsug nimo. Kana lang ug daghang salamat.
PAPA JOE
(Sa inyong tampo ipadala lang sa papajoesuperb@gmail.com)