Dear Papa Joe,
Tawaga lang ko sa pangan nga Ana, 22 years old, naa koy uyab nga hilig kaayo og motor.
Karon sige ni siya og hagad nako nga manglaag mi pero taslakan man ko og motor mao di gyud ko mouban.
Karon after a week, naa koy nakita sa page sa TCH nga napitikan akong uyab pero ubos sa comments kay nakabasa ko sa iyang comment nga nag-ask nga papason o i-delete ang post, naa pay please.
Mao to akong gibalik og tan-aw kay akong nakita nga angkas niya akong bestfriend.
Ako dayon siyang gi-confront pero niingon siya nga wa ra to, nahitabo lang nga need niya og angkas to check sa power sa iyang scooter daw.
Pero di ko motuo unya karon kalit lang siya niingon nga buwag na daw mi. Sakto ba iya gibuhat? Tambagi ko.
ANA
Ana,
Sakto ra man sad iya gibuhat nga makigbuwag nimo kay wa siyay ayo kay bestfriend pa gyud nimo, puwede man og lalaki ba iangkas para ma-test iyang motor unya babaye pa gyud ug usa pa kon bestfriend mo, mananghid siya o sila nimo, meaning naa gyuy something.
Kana kay dali ra kaayo nakabuwag, meaning nakaplano na gyud na.
Move on na lang gyud, day, kay at least nailhan nimo imong uyab ug imong amiga, learn from it. Sakit na sa pagkakaron pero it will make you strong in the next relationship kay you learn something.
Papa Joe
(Sa Inyong tampo ipadala lang sa papajoesuperb@gmail.com)