Talk to Papa Joe: Mura’g ako ra ga-effort

Dear Papa Joe,

Tawga lang ko og Liza, taga Central Visayas ra. Naa koy long distance relationship, naa sa Cebu karon. Nauli ko diri sa amo kay namatay akong lola. Pero kining akong uyab nga na live in nako di gani mo update. Pero ako update ko niya bisan nagbangutan mi. Ako pa mo load niya kay layo kuno siya loadanan. Pero maski madawat na niya ang load, di gihapon siya mo update. Ako lang nahibaw-an nakig-inom ra diay sa iyang mga barkada.

Ako siya’ng ingnon nga pagklaro, mokatawa ra. Ako siya’ng giingnan nga buwag na lang ta ug nisugot ra sad siya kay gahuwat ra kuno siya nga ako na mismo mobuwag niya.

Mao to nga ako siya nga giingnan nga mouli ko diha para pagkuha sa akong mga butang. Sakto ba ako nga gibuhat? Tambagi ko.

LIZA

Liza,

Kon sa imong tan-aw sakto, buhata. Kay murag gisayonsa­yon ra ka niya kay na-feel niya nga effort kaayo ka mao nag-abusar. Kay kon love ka niya ug laki siyang dako, siya unta ang mo effort. Palainum pa gyud. Basin magmahay na hinuon ka ana in the future tungod lang sa gitawag mong gugma. Unaha paghigugma ang imong kaugalingon sa di pa ang lain kay kon makat-on ka sa paghigugma sa imong kaugali­ngon, makat-on ka sa pagpili og tawo nga tarungon ka.

Ayaw og padala sa pagbati nga nagbase lang sa karon, kon di pagbati nga may labot ang imong kaugmaon.

PAPA JOE