Dear Papa Joe,
Ako diay si Lorna, taga Cebu ra, usa ko ka single parent. 38 na diay akong edad.
Sa nag-edad pa ko og 28, napamabdusan ko og usa ka lalaki nga silingan ra namo. Karon pagkahimugso sa among anak, kalit lang siya nga nawala ug wa na gyud magpakita namo.
Bisan ang iyang mga ginikanan wa masayod asa na siya. Mo text daw pero di gyud mosulti asa.
Karon nga dako na ang bata, kalit lang siya nga nipatim-aw, nabanhaw ba.
Matod niya nga nitalaw gyud siya sa iyang obligasyon ug nilarga og Manila ug sa dihang nasulod siya sa ilegal, nahitabo daw nga napriso siya.
Mao nga wa gyud siya nisulti sa iyang mga ginikanan ug nako kay maulaw siya.
Unsaon man ni nako, dawaton ba or dili? Tambagi ko.
LORNA
Lorna,
Sa tinuod lang mas maayo kon buo ang pamilya. Pero kon tinuod man gani nga mao na ang nahitabo, klaruha lang kon tinud-anay ba ang iyahang gipanulti kay basin wa nana siyay padulngan mao nga ikaw na lang ang iyang gidangpan.
Wa ko mag-ingon nga ayaw apan sutaa sa kon unsay mahitabo ninyo kon magbalik mo.
Mangita ba siya og trabaho kay basin ikaw pay magbuhi niya.
Klaruha sad ang imong kaugalingon kon nahigugma pa sad ka niya.
Again, napandol ka sa una ug nakabarug.
Make sure nga nakat-on na ka sa imong leksyon.
PAPA JOE
(Sa inyong tampo ipadala lang sa papajoesuperb@gmail.com)