Dear Papa Joe,
Ako diay si Jun, 45 anyos na ang panuigon ug may pamilya pero di kasado. Kasado man gud ko sa una pero gabuwag mi kay nakakaplag og laing nilalang akong kanhi.
Maayo unta among pagpuyo sa akong partner pero nagkadugay, nabantayan nako nga nagkauga na siya nako. Daghan siyag rason sama sa kapoy siya sa buhat sa panimalay.
Apan ang paghatag sa akong kalipay isip usa ka lalaki kay hapit na magtinuig, daghang rason. Kabalo ko nga wa siyay lain pero nasayod ko nga ang pagpakasal maoy hinungdan kay lagi lisod kaayo para nako mo-file og annulment kay ultimo ra ko.
Ako na lang ibuhos sa akong pamilya ang kwarta kay sakto ra gyud. Hadlok ko maadto siya sa uban, labi na dili mi kasado. Tambagi ko palihug.
JUN
Jun,
Kasabot gyud ko anang parteha labi na nag involve og kwarta. Tinuod mahal gyud na ang pag-file ana mao nga mas gipili sa uban ang magpuyo na lang maski sukwahi unta sa ilang gusto. Apan naa man sad nilungtad gyud, naa say kasado nga magbuwag sad.
Depende ra gyud na sa couple. Hinuon kanang imong gikahadlukan nga maadto siya og lain, di gyud na imposible kay technically daga man siya. Dihang dapita kay di ko katubag kay di sad nato mabasa ang hunahuna sa imong pares.
Pangita lang sad og laing paagi sa pagpukaw sa iyang gugma nimo, basin tuod kapoy o naay gipamati imong pares.
Papa Joe
(Sa Inyong tampo ipadala lang sa papajoesuperb@gmail.com and please subscribe sa akong YouTube, Dear Papa Joe stories)