Dear Papa Joe,
Ako diay si Niffa, 40 anyos na ang edad ug may tulo ka mga anak.
Akong bana naa sa layo gatrabaho ug maayo baya ang iyang trabaho. Tagsa ra siya mauli diri.
Dagko na baya ang among mga anak pero nahibung ko nganong uga na kaayo siya nako.
Ako lang siya gipasagdan as in nisabot ko pero nasakpan nako siya dihang nahibung ko ngano nga kon mauli siya ug mag CR, dad-on man niya iyang cellphone.
Hangtod nga usa ka higayon kay natu’g siya, akong gihiling ang ang iyang cellpphone ug didto nahugno ko sa akong nabasan ug nakit-an sa iyang file sa hubo nga babaye ug naa siya nga naghilawas.
Ako siyang gi confront ug gihulga ko niya nga palayason nga kasado man ta mi ug di daw nako madala ang mga bata.
Unsa may angay nakong buhaton ani? Tambagi tawon ko.
NIFFA
Niffa,
Kon gustuhon nimo, pwede man gud kay naa man kay ebidensya. Pag copy gyud ana nga di niya mapapas para kon maka desisyon na ka nga mokaso, magamit na nimo kay kasado gud ka.
Ayaw og tuo nga wa kay mabuhat, pwede gani ka moadto sa women’s desk sa kapulisan ug magpatabang ka.
Tan-aw ko qualified man na imong sitwasyon sa VAWC kay nakadaut man na nimo mentally. Kana kon kon mokiha ka.
About sa bata , naa may family court nga mo-decide sa welfare sa mga bata.
Di man na siya ang magbuot kay naa siyay trabaho kay kon ikiha nimo siya, mapagan gyud ang iyang trabaho.
Istoryahe sa na ninyo pero kinahanglan moadto gyud ka o modangop sa balaod para di ka sayonsayunon.
PAPA JOE
( sa inyong tampo ipadala lang sa papajoesuperb@gmail.com)