Talk to Papa Joe: Nagminyo sa laing nasod

SunStar Papa Joe
SunStar Papa Joe

Dear Papa Joe,

Tagua lang ko sa ngalan nga Makoy, 45 anyos, minyo ug kasado. Dunay upat ka mga anak. Ang akong problema kay kabahin sa akong kaminyuon. Ang akong asawa wala na mouli sa amo sukad nibiya ni mga lima na ka tuig ang nakalabay kay niadto ni og Middle East.

Wa ko masayud kon nganong naabot siya og Canada. Kalit lang siya nga nakigbuwag nako ug ako na lang nga nahibaw-an nga naminyo siya didto ug nakaanak kay nagpakasal siya sa iyang foreigner didto kay makasal ra daw didto kay gi filan ko niya og divorce.

Karon kay nagduwa-duwa ang akong utok kon nganong na ing ani man pero wa na koy mahimo. Gusto ko nga maka move on apan naglisud ko. Sa grasya sa Ginoo niasenso ko bisan wala siya. Na-promote ko sa trabaho ug usa na ko ka manager karon ug nabuhi nako akong mga anak.

Hinuon magpadad-anan man siya sa mga bata ug sa mga bata ra sad. Okay ra ko.

Ang ako lang kay gusto unta ko mokuha og condo unit o balay apan di pwede kay need siya mopirma isip asawa pero di man siya mohatag og address ug di sad siya mopirma. Gusto ko maminyo og usab, di sad pwede kay kasado ko. Unsaon man ko ni?

MAKOY

Makoy,

Mao nay lisod nato diri sa Pilipinas ron kon ing-ana ang sitwasyon. Mao siguro nga gi-fight na ang divorce bill kay mas barato ug dali itandi sa annullment.

Di man ko abogado mao nga mokonsulta gyud ka og abogado kay kon makakuha ka og divorce documents sa imong asawa ug uban pa nga rekisitos, pwede nimo siya i-support sa annulment case nimo diri. Pero mao lagi gasto kaayo ug pwede sad di ma approve kon kuwang sa mga papelis.

Recognition of divorce abroad ang tawag ana kon wa ko masayop. Duol na lang gyud og abogado.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph