Talk to Papa Joe: Nakaluib

Talk to Papa Joe
Talk to Papa Joe(SunStar File Photo)

Dear Papa Joe,

Ako diay si Alona, 27 years old, taga Negros. Akong suliran kay kabahin sa akong bana ug iyang igsuon.

Biktima ko sa fixed marriage sa amo kay akong mga ginikanan utangan sa mga ginikanan sa lalaki ug wa nako damha nga nagustuhan diay ko sa ilang anak pero maguwang kaayo nako og edad ang laki.

To cut the story short, nagminyo gyud mi apan sud sa duha ka tuig namong tipon, wa gyud mi makabaton og anak.

Apan namabdos ko karon pero di siya ang amahan kon di ang iyang igsuon nga taligngan ra nako.

Mao ni akong problema kay nakonsensya na hinuon ko ani niya kay gadahum gyud ni siya nga siya ang amahan.

Palihog tambagi ko.

ALONA

Alona,

Sa sinugdanan pa lang sa inyong relasyon, murag sayop na kay wa kay gugma sa imong bana kay napugos ka sa desisyon sa imong parents.

Lisod tuod na ang imong problema ug di gyud ko kahatag og maayong tambag nimo kay dehado ka kon subayon nato sa tinarong nga paagi.

Siguro ang uban motambag nga padayuna lang na kay total di siya kaduda kay kadugo ra pero ibutang ta lang mao na.

Maundang kaha ang inyong binuhatan nga dautan sa iyang igsuon? Kasado baya mo.

Kon motug-an ka mas maayo pero dawata ang pwede mahitabo nga di pabor nimo.

Bisan asa ani nga tambag pwede, pero sa mata sa Ginoo siya ra ang nasayod.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph