Dear Papa Joe,
Ako diay si Tina. Di ba ang amahan man ang provider sa pamilya? Gitawag kini og haligi sa panimalay? Unsa na man lang diay ang asawa?
Akong bana man gud kay igo ra mopalit kon unsay kinahanglan sa balay ug di gani mohatag og share. Ako nagtrabaho, nag-share sad ko sa balay pero ang nakapait lang kay mangayo pa siya sa akong sweldo nga halos mahurot na nako akong sweldo og gasto alang sa upat namo ka mga anak. Unya kon di ko mohatag mangaway siya nya babaye ra ba kaayo og baba.
Paet kaayo, Sir, kay lami na kaayo ibuwag. Dudahan pa ta nga naay lain. Unsa may angay nakong buhaton aning bana nga ing-ani? Palihog tambagi ko.
TINA
Tina,
Ang angay ninyo buhaton mao ang pag-istorya og tarong. Dili ang pagpresentar sa mga bati kon inyong kwestyunon ang inyong kaugalingon kon nganong na ing-ana mo. Basin napawong lang ang kayo sa inyong gugma kay busy namo sa mga problema o pagpangita og kwarta. Nawala na ang loving loving kay ikaw nahiubos sa iyang batasan ug mahimong bati kay di mohatag og kwarta ug basin siya nahiubos kay naa sad kay kausaban mao nga siya nagselos kay siguro kapoy na kaayo ka ug di na ka magpahilabot niya kay ikaw sad di pahilabot kay naglagot ka. See?
Pwede ing ana ang sitwasyon mao nga mag-istorya mo nga heart to heart, di kay kasuko na lang. Unsaon man daghan man mo og anak mao nga makalimot na mo sa inyong kaugalingon nga panginahanglan kay sa mga anak naka focus.
PAPA JOE