Dear Papa Joe,
Nanghinaut ta mi sir nga matabangan mi ninyo. Ako diay si Jonas, 48 na ang panuigon usa ka construction worker.
Taudtaod na ko diri ug taga Barili gyud mi. Ang akong problema ba kay mahitungod sa among kahimtang nga nagbarungbarong lang diri sa siyudad ug medyo lisod mi.
Kani gani akong suwat nimo gipa-send ra ni nako sa akong amigo nga naay cellfon kay nangiyawat na lang.
Mangayo lagi ta mi og numero sir nga among patdan iyawat na lang makalarga mi karong kalagkalag.
Ingon man gud among mga silingan nga moduol daw mi ug mga announcer kay makahatag daw ni og i-maintain.
Kung wa man gani sir, basin pwede maka rekomendar ka nako og trabaho, guola baya sa kinabuhi gyud. Hinaut ta mamisik mo og grasya sir, salamat.
JONAS
Jonas,
Pasensya kaayo sir ha nga wa koy ikahatag nimo sama ana kay wa gyud koy alamag sa pustapusta.
Lisod man sad og tuhoan nimo nga tinuod na kay kung naa pay sweto anang numero nga klaro mogawas, di nana magradyo.
Mamusta na lang na kay klaro pa tibatiba diba? Ug kung tinuod man gani na, ako na mismo ang mamusta ug dako para ako na mismo motabang ninyo.
Pero sa akong tan-aw di tanang naa sa radyo maayo tanan ug kahimtang.
Ako ra gyud masulti nimo nga kayod lang kay magrasyahan ra ka, kay karon panahuna apektado ta tanan sa kamahal sa palaliton.
Salig sa Ginoo sir basin naa pay trabaho diha para nimo puhon, basin naay nangita sa nakabasa ani.
PAPA JOE
(Sa inyong tampo
ipadala lang sa papajoesuperb@gmail.com)