Dear Papa Joe,
Ako diay si Jimmy, 20 anyos, kamanghurang anak sa usa ka 65 anyos nga inahan nga karon gikontrahan sa uban nakong mga igsuon kay lagi gusto ni Mama nga magminyo og balik kay 5 years na baya siya nga biyuda.
Sa akong bahin wa man koy problema pero akong mga igsuon di gusto kay manghod og edad sa akong mama.
Ang edad sa lalaki kay 50 years old ug basin lagi, ang giapas ani niya lalaki kay mga kabtangan kay naa bayay mga kabilin si Papa.
Ako kay suporta ko ni Mama kay wala baya siyay kauban kay minyo na tanan nga magsuon, unya ako naa sa BPO unya gabii ang work.
Unsa may take nimo ani, Paps? Please tambagi ko.
JIMMY
Jimmy,
Kasabot ko sa imong mama ug kasabot sad ko sa imong mga igsuon. Mas maayo sad mahibaw-an ninyo ang lalaki, kanang iyang uyab kay basin tuod gamiton ra ang imong mama ug magpabuhi ra na.
Pero kon makita ninyo nga wa siya magsalig unya ni mama ninyo, tagai na lang og chance.
About sa kabilin ni Mama nimo nga gikan ni Papa nimo, kon mouyon siya, bahina na lang na daan kay para sure mo ug mama nimo nga ang unod gyud sa ilang relasyon kay gugma.
Timan-i,matod pa sa panultihon, mapugngan pa ang baha nongka ang gugma.
PAPA JOE
(Sa inyong tampo ipadala lang sa papajoesuperb@gmail.com)