Dear Papa Joe,
Tawaga lang ko sa name nga Ronald, taga Cebu ra, 20 years old. Ang akong problema kay kabahin sa gugma.
Nag work ko sa usa ka BPO company ug naa koy kauban nga babaye nga di baya gwapa pero lakas kaayo siya og appeal sa lalaki kay bugoy nga sweet.
Karon bag-o lang ko nasayod nga uyab diay niya ang akong amigo sad sa laing account pero giuyab ra siya kay ang akong amigo maayo kaayo manggamit kay lagi gwapo ug heart throb sa among building. Maayo kaayo ni siya modiskarte para malibrehan.
Siguro naka realize ang babaye, iya kining gibuwagan ug here I am nasu’d sa eksena.
Mag ka MU mi pero ambot ba nga di man ko kadiskarte niya kay mabantayan man nako nga inlove pa siya sa akong amigo.
Basin mapanakip butas ra ko. Unsa may buhaton nako? Please tambagi ko.
RONALD
Ronald,
Kon tinud-anay ka nga nakagusto sa iyaha pwede man nimo siya sultihan sa tinuod.
Basin ikaw ray gadahum nga MU mo pero inamigo ra ang iyaha kay sa pag describe nimo niya murag ing ana siya nga pagka babaye, hingamigo.
Pero kon di sad ka sure, pagpabilin lang sa nga higala kay pinaagi niana mabantayan na nimo nga kwalipikado ka niya kay di baya sa tanang mga higayon nga close mo nakagusto na ang babaye.
Basin ganahan siya nimo isip amigo o inigsuon o unsa ba.
Makabantay baya ta og nakagusto nato ang tawo. Ayaw lang sad sabay sa bandwagon kay abi daghan ang nakagusto niya, makagusto sad ka.
Basin na curious lang ka unya kon kamo na kay mausab. Ana lang, Dong, ug salamat.
PAPA JOE
(Sa inyong tampo ipadala lang sa papajoesuperb@gmail.com)