Dear Papa Joe,
Ako diay si Agnes, hingkod na ang edad ug kining akong problema kabahin ni sa concern namong pamilya sa akong ate nga naa sa laing nasod isip usa ka nurse.
Ako na sad ni gi-send nimo sa imong programa sa radyo akong problema pero basin wa ko ka-timing nabasa.
Naa man gud ni siyay kapuyo diri sa Cebu ba nga kana ganing makita nimo nga gigamit ra niya akong ate para makapalit sad siya sa iyang luho unya sige lang ug laag kuyog sa iyang mga barkada, sige lang og inom.
Amo na ni siyang giingnan pero ang nahitabo kami pa ang bati kay nasuya daw mi sa iyang pares, toxic mentality daw mi kay gusto namo kami ra daw mahayahay.
Wa gyud mi labot sa iyang kita kay maka afford man mi pero kami pa ang na bati.
Wa gani siya kabantay o nagpaka buta lang siya nga kun mouli siya diri sa Pinas kay di man gani siya dad-on sa iyang pares sa lakaw kuyog mga asawa sa iyang friends, kay klaro kaayo ika-uwaw niya akong ate kay maguwang pa niya ug di na sad tawon ka sexy. Tambagi ko.
Agnes
Agnes,
Mao nay giingon nga mapugngan pay baha nongka ang gugma. Naay nakita imong ate nga wa niya igsapayan nga di maayo sa panan-aw sa uban as long as malipayon siya. Mahug gyud ang tawo nga nagpakabana nga bati kun kalipay na gani ang hilabtan.
Unsaon man igsuon man na ninyo mao nga sabta lang ug kun nagduda gyud mo sa lalaki, panid-i lang gyud ninyo ug pinaka the best is ebidensya.
Usahay sayop gyud ta sa atong pag judge sa tawo kay ang nakita nato mao man di maka-angayon dilang duha, pero basin gyud diay sayop mo ug kabalo imong ate sa tinuod. Again kung strong gyud inyong pagduda, panid-i, kuhai ug ebidensya, ug di gihapon motuo ang ate nimo. naa ra na niya pero ayaw pasagdi if mapamatud-an ninyo nga sayop siya. Pamilya gihapon mo.
Papa Joe
(sa inyong tampo ipadala lang sa papajoesuperb@gmail.com)