Dear Papa Joe,
Tawaga lang ko sa pangalan nga Rommel, 45 years old, minyo ug may mga anak na. Malipayon man ang akong kinabuhi kauban sa akong asawa ug mga anak, pero kalit lang ni siya nausab dihang nipatong nako og 40. Dili sa gugma ang nausab kon dili akong pagkatawo. Nahimo ko’ng mahadlukon. Sa akong edad man gud na-diagnosed na ko og taas ang sugar ug blood pressure. So karon nag-maintenance na ko. Sukad pag-pandemic murag wala gyud ko maulii ug nisamot pa gani ron kining akong panic attack nga feeling nako mamatay na ko, labi na makabalita ko sa akong mga amigo nga ang among ka batch mate, mga higala kay namatay, si kuan kay naospital kay na stroke. Mas nisamot na nuon akong kahadlok kay dili pa ko gusto mamatay kay bata pa akong mga anak. Mag-unsa na man lang sila. Unsa may matambag nimo ani, para mawala na ni? Palihug tambagi ko.
ROMMEL
Rommel,
Tinuod nga daghan ang mga tawo nga ni-suffer sa anxiety karon ug daghan ang hinungdan ug usa na niana siguro nga daghan ang nahimo’ng masakiton ug during pandemic daghan sa atong mga kaila ang nangamatay ug naa nay gipamati daan sa lawas. Just stay healthy and be ready, kay dili man kitay makabuot hangtod asa ta kutob ning kalibutana o sa unsang paagi motaliwan ning kalibutana. Ampo lang gyud nga maka-survive pa ta ug dugay ning kalibutana. Karon nga nag-maintenance na ka, doble amping na lang gyud ug salig sa Ginuo. Matod pa sad nila, it’s all in the mind.
Papa Joe