Dear Papa Joe,
Tawaga lang ko sa pangalan nga Bunso, taga Mindanao gyud mi pero gidala ko sa akong maguwang diri sa Cebu. Eight years old pa ko ato og karon kay 18 years old na.
Wa silay anak sa iyang asawa mao nga gikuha ko nila. Traynta kapin na sila sa iyang asawa, buhong kay ko sa ilang pagpangga pero sa ka close na namo sa iyang asawa ug nagkadako nako, nausab man akong pamati.
Siguro siya inanak ang pagtratar sa ako pero lahi man akong pamati, ma-turn-on man ko og ka-daghang higayon nga gipantasya nako siya.
Usahay tuyuon nako nga masakpan niya nga maglingaw ko sa akong kaugalingon pero dedma lang niya.
Naay mga higayon gyud nga gusto ko moagda niya kay maka-feel man sad ko nga ganahan siya. Unsa may buhaton ko? Tambagi ko.
BUNSO
Bunso,
Dako na man ka ug nasayud na gyud ka sa sakto ug sayop. Kanang imong na-feel karon mogawas gyud na basta pagkaulitawo na ka.
Init pa imong dugo ug sensitive sad sa ing-ana nga butang, labi na siguro motan-aw sad ka og mga hulagway nga mopakusog sa imong drive nga ma-turn-on.
Pero ibutang ta lang nakagusto siya pero angay ka magbaton og respeto kay asawa siya sa imong maguwang.
Lisod ug sayop sad imong pagtuo nga nakagusto siya, basin inanak gyud o minanghud ug wa lang siya mo-mind sa imong pagduwa sa imong kaugalingon kay kasabot siya nga moagi gyud ang mga lalaki ana.
Dako kaayo nang isyu kay moabot gyud na sa imong maguwang. Disiplina ug kontrol lang, Dong.
Papa Joe
(Sa inyong tampo ipa-dala lang sa papajoesuperb@gmail.com)