Dear Papa Joe,
Unsa angay nako buhaton nga akong Mama dili man gusto maminyo ko. Ako diay si Meriam, 29 years old. Ang akong problema kay gusto na sa akong uyab nga magminyo mi kay taud-taod na sad among relasyon, college pa gud mi. Mao nga nakadesisyon mi nga magminyo karong tuiga pero ang problema kay gusto sa akong mama nga tarungon sa daw namo among balay ug lukaton sa nako among yuta sad nga naprenda.
Ambot ba willing man akong uyab nga motabang ta sa ako pero dili man gusto akong mama. Feeling nako akoy iyang patubagon sa tanang gastuhon sa amo. Kining akong mama may pagkahambugera ba, kay ipanghambog gyud ko niya sa among mga kaliwat nga maayo daw ko og kahimtang. Unsaon kaha nako ni siya no? Tambagi ko.
Meriam
Meriam,
Prankahi imong mama nga dili ka investment, tawo ka nga need sad malipay. Naay kaugalingong damgo ug lisod na og maabtan ka sa edad nga maglisod na sad ka makabuo og imong kaugalingong pamilya.
How about imong Papa, imong mga igsuon? Unsa man say sulti nila?
Basin moabot ang panahon magmahay na nuon ka nga wala kay imong mapundar.
Duda ko di gyud na gusto pa nga mabuwag ug sayo imong mama nimo kay ikaw bitaw ang nag-ingon nga may pagkahambugera sad siya. Lisod man sad og mosupak ka gud, mabati sad ka. Iampo lang sad na ug ayaw undang hangyo niya.
Papa Joe
(Sa inyong tampo ipadala lang sa papajoesuperb@gmail.com)