Dear Papa Joe,
Ako diay si Camille, 27 years old. Ang akong problema kay di kabahin sa gugma kon di sa trabaho. Regular ko sa akong gitrabahuan pero di nako happy kay nidako tuod akong suweldo pero nigrabe man sad ang trabaho. Murag wa na gani ko maka-love life sa akong edad kay na-focus nako sa work. Karon naay offer nako akong kaila nga simple ug di kapoy ang trabaho pero mao lagi magsugod na sad sa uno hasta suweldo. Akong parents di mosugot kay anugon daw ang suweldo pero di na man nako makaya oi, labi na ang among amo sige na sad ka high blood kay kasab-an sad sa pinakataas namong boss. Unsa may matambag nimo ani? Salamat.
CAMILLE
Camille,
Matod pa sa salida ni spiderman, great power comes great responsibility. Naa man guy pamaagi pag-deal sa pressure, naay giingon work smart than work hard pero naa ra na nimo unsaon ang idea. Tinuod anugon ang suweldo kon dako, mobalik ka man sa sayon nga work kon mobalhin ka pero di siguro ka moungot didto ug ma-promote na sad ka. So saka ang sweldo pero saka ang trabaho so mao gihapon. Di baya sayon pangita og trabaho ug usa sa imong tan-awon ug molahutay ba sad na imong balhinan. Relax sa, file og leave unya timbangtimbanga.
Papa Joe
(Sa inyong tampo ipadala lang sa papajoesuperb@gmail.com)