Dear Papa Joe,
Ako diay si Mira, 18 years old. Nagpadala ko nimo aning ako’ng concern kay nagsugod nako og ka depressed.
Ang ako man gud problema kay akong height, sa akong edad karon kay naa ra ko sa 4”11’.
I-bully man gud ko sa akong mga kaila nga mga tag-as maski pa sa akong mga kaliwat moingon wala ko maliwat nila kay mga tag-as.
Dili daw ko madawat og trabaho dayon kay mubo daw ko.
Unya dili daw ko maminyo kay mubo sad ug kon maminyo daw ko kay luoy kuno akong mga anak kay mga putot.
Unsa may ikatambag nimo nako ani paps. Salamat.
MIRA
Mira,
Una sa tanan dili na tinuod ilang gisulti. Hunahunaa lang kanhi presidente sa Pilipinas ug presidente karon dili mga tag-as.
Daghang artista nga mga dato og negosyante pero dili mga tag-as.
Mas maguol pa mi nga mga lalaki, maayo ka kay puwedi ka mag-high heels kaming mga laki kay lisod, hahaha.
Ako man gani niagi og bully sa akong classmates ug paryente nga putot ko pero I proved them wrong ug gipakita nako nila ang mga butang nga dili kinahanglan ug height.
Explore your self sa puwedi nimong i-develop.
Ayaw tan-awa ang kuwang nimo kon dili unsay kaya nimo.
Wala man gani na ma discouraged ang mga dunay kapansanan. Ikaw pa.
Papa Joe
(Sa inyong tampo ipadala lang sa papajoesuperb@gmail.com)