Talk to Papa Joe: Pwede pa ba?

Talk to Papa Joe
Talk to Papa Joe(SunStar File Photo)

Dear Papa Joe,

Si Sonia diay ko, 29 years old, taga norte sa Sugbo. Usa diay ko ka PWD, ug single mother.

Gibiyaan ra ko sa una nakong uyab human siya nasayud nga nagsabak ko ug mao kadtong higayuna nga grabe ang kasakit nga akong gibati.

Wa ko nakasabot kon ngano nga giatol pa gyud nga nagsabak ko.

Di diay ko kadungog kaayo human ko nadisgrasya sa motor nga akong gisakyan ug naapiktahan sad akong paglakaw kay na damage daw akong spinal cord.

Karon ang akong anak kay medyo dako na ug wa gyud magpakita ang iyang amahan pagbalik.

Karon ang ako unta nga patambagan nimo kay di sa ingong na PWD ko wa na lay manguyab.

Naay nanguyab nako, di lang kay usa, medyo lapas duha gyud, nga mga silingan namo.

Nahadlok ko nga kon naa koy sugton kay basin masubli diri nako ang akong kaagi, labaw na akong mga ginikanan nga maoy mobabag.

Sakto ba ang akong desisyon nga di na lang makigrelasyon? Please tambagi ko.

SONIA

Sonia,

Di gyud ko mopugong nimo day nga mahigugma kay katungod na nimo. Pero sakto sad ka ug imong mga ginikanan nga maglikay pero di sad fair nga hangtod sa hangtod.

Basin pa diay naa nila ang lalaki nga maoy nahigugma nimo sa tinuod.

Kuyaw man gud, Day, nga sa imong kahimtang mo take advantage sila nimo ug mausban tuod imong kapakyasan.

Kon sa imong tan-aw usa nila pursigido gyud, ingna nga pakaslan ka ug dawaton ang bata isip iyang anak.

Naa man gani, Day, mosungasong gyud nga di mo take advantage nimo, kana.

Ipananghid gyud sa sa imong ginikanan kay need nimo ang kapares, labi na may kapansanan ka.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph