Talk to Papa Joe: Salamat, Papa

Talk to Papa Joe
Talk to Papa Joe(SunStar File Photo)

Dear Papa Joe,

Unsaon nako pagkalimot sa kagahapon? 50 na ko karon pero nangandoy gihapon ko sa akong amahan. Ako diay si June.

Dihang bata pa ko, layo kaayo ko sa akong amahan kay ambot ba wa man siya kapakita og pagpangga nako. Puno ko sa bunal.

Gamay’ng sayop, bunal dayon.

Init kaayo siya og ulo nako pagkabata pa nako.

Makapangutana ko kon anak ba ko niya.

Pero nani­nguha ko ug na- professional.

Nagdako ko nga nangluod niya apan dihang nagkaanak ko nausab tanan.

Iyang gipakita kanako ang iyang pagpangga ug pag-amoma sa akong mga anak.

Iyang gipun-an iyang pagkuwang nako ngadto sa akong mga anak ug didto napapas akong pangluod niya.

Gipangga na ko akong papa apan ang nakapait, kon kanus-a nga nindot na ang tanan, gikuha sad siya sa Ginoo.

Ambot puno ko sa pagmahay kon ngano.

JUNE

June,

Naay mga panghitabo nga puno sa rason. Importante nahatagan og higayon si Papa nimo nga makapaki­ta sa iyang pag-usab.

Wa man siya makasulti nga nagbasol siya apan tataw kaayo nga nagbasol siya.

Importante nga nakat-on sad ka nga di nimo buhaton ang gibuhat ni Papa nimo kanimo ngadto sa imong mga anak para di ma-experience sa imong mga anak.

Nakakita ka? Naay kausaban ang tanan.

Ang bati maayo. Ang nindot pwedeng madautan. Salamat.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph