Dear Papa Joe,
Ako diay si Joanne nga taga Danao City, 25 years old. Naa ko karon sa Cebu City kay naka pamilya man ko diri. Ang akong problema kabahin aning akong live in partner nga nausab na gyud ang iyang batasan sukad nagkaanak mi. Di na gani siya modulog namo kay usahay nalang ni siya mouli kay kon mouli nagtama kay adik na man kaayo.
Ang problema pa gyud kay grabe mangulata pero wa gyud ko nisulti sa akong papa kay nanganti baya si Papa nga kon pasakitan ko ihurot niya ang mga paltik nga iyang hinimo sa akong ka live in. Unsa may buhaton ko, Sir?
JOANNE
Joanne,
Biya nalang diha. Pwede man sad nga mouli ka nga di ka mosulti sa tinuod nga rason para di ma kriminal ang imong amahan kay basin iyang tinud-on. Ingnon lang nimo nga naka realize ka nga di pa ka ready ug kon moingon ang imong kapuyo nga apason ka, ingna nga ayaw gyud kay sa una palang nanganti na si Papa nimo. Kay kon ikiha na nimo og VAWCI, mahibaw-an gyud ni Papa nimo nga kinulata ka.
Mas maayo man gud samtang sayo pa ug way nahitabo nimo moviya nalang gyud ka kay mayawaan nya na. Pwede man sad kasuhan nimo siya gyud pero pasabta ang imong papa nga di lang hilabtan kay samok na. Mao na sa mga mosulod ana mas maayo mag ready gyud mo unsay mahitabo.
PAPA JOE