Dear Papa Joe,
Tagua lang ko sa pangalan nga Romel, 27 na ang edad. Ang akong problema mahitungod sa akong amigo nga wa gyud masuweto sa akong pagkatawo. Usa man gud ko ka mahuyang pero discreet lang kay maski akong pamilya wa masayod ani.
Ang akong amigo kay ibog kaayo sa akong amiga ug ako iyang gipa-bridge kay di man sila magkaduol kay baduyan akong amiga niya.
Halos suholan na lang ko niya gud para lang maduol siya sa babaye, Pero the more ko nagpa-bridge nila kay nisamot among closeness sa babaye ug nahitabo, niangkon ang babaye nako nga amiga nga dugay na siya nakagusto nako ug sa wa damha nahimo nakong tomboy kay maibog ko sa lalaki ug karon maibog na sad ko ug babaye.
Unsa may buhaton nako nga matug-an nako sa migo nako ang tinuod sitwasyon karon? Palihug tambagi ko.
Romel
Romel,
Di nimo malikayan nga malain nimo imong amigo pero mao nay kasagaran nato nadunggan nga bearer is the owner.
Usa pa lalaki ka sa iyang panan-aw, kompetensya gihapon ka. Di mana sala nimo nga makagusto ang babaye nimo ug di sad sala makagusto ka sa babaye regardless ug silahis ka kay wa man ka mangilog sa babaye, wala man silay relasyon.
Ang lisod lang og di kadawat dayon imong amigo ug mobuhat ni og bati nimo, Mao pag-amping lang sad kay lisod na ra ba og pangutok ning uban kon gugma na ang hisgutan.
Mas maayo sa neutral o safe nga lugar sultihan nimo sa tinuod imong amigo ug mas maayo kuyog sad nimo imong amiga nga maoy mopranka niya.
Papa Joe
( Sa inyong tampo ipadala lang sa papajoesuperb@gmail.com)