Dear Papa Joe,
Tagoa lang ko sa ngalan nga Lover Boy, 29 na ang edad.
Akong problema kay nahigugma ko og single mom apan di makadawat ang akong mga ginikanan ug mga igsuon kay anay kuno akong pangasaw-unon ug may baktin pang pakapin.
Di kuno ni masaligan kay gibiyaan man gani sa laki.
Nahigugma sad ning babaye nako ug suod mi ug nadawat nako iyang anak pero mao lagi ni ang akong problema kay napuno ko sa sungog nga Salvador del mundo daw ko.
Ang mabulahan kuno sa hinaguan sa akong mga ginikanan ug bahin nako sa yuta puhon kay laing tawo.
Unsa may angay nakong buhaton? Hinaut matambagan ko nimo.
LOVER BOY
Lover Boy,
Kasagaran sa mga single mom mga biktima sa pang-abuso sa ubang mga lalaki nga mamulatikay, kunuhay nahigugma sa babaye para makuha ang lawasnong kalipay pero di mga responsable nga kon moresulta na sa pagmabdos, mobiya na.
Matod pa nga mapugĀngan pay baha nongka ang gugma ug mabuta sa mga panaad sa usa ka nilalang.
Kon nahigugma gyud ka ug madawat nimo ang iyang anak, ipamatuod na nimo sa kadaghanan nga sayop sila ug maninguha ka para moingon sila nga sayop sila.
Kana kon tinuod sad lagi ang gugma sa babaye nimo ug wala ka gamita.
Timan-i ang mga tawo naa gyud nay masulti. Barugi ang imong desisyon.
PAPA JOE
(Sa inyong tampo ipadala lang sa papajoesuperb@gmail.com)