Dear Papa Joe,
Ako diay si Alfred, hingkod na ang panuigon ug anak ko sa pagkadaga sa akong inahan. Ang akong problema kay ang gusto sa akong mama nga mosukli man lang ug maayong pagtagad sa akong ama-ama.
Di man gyud nako mapugos nga itratar siya nga akong kaugalingong amahan, maski siya nag-provide nako sukad pagkabata nako ug pinangga ko niya nga gipangita niya nako isip tinuod nga anak. Maski pa pag-desi otso nako kay may second hand nako nga sakyanan pinalit niya pero wa gihapon.
Mas suko ko deep inside nganong di sila sa akong papa ang nagkadayon sa akong mama. Ang akong tinuod papa sad naa nay pamilya ug wa sad magpakabana nako. Palihug tambagi ko.
ALFRED
Alfred,
Siguro wa pa motuhop kanimo ang pagbati sa usa ka amahan kay wa man sad nimo isulti kon minyo ba ka ug may mga anak.
Kon di ka kadawat sa nahitabo nimo, angay nimo sud-ungon imong mama unsa siya ka pinangga sa Ginoo nga gitagaan siya og lalaki nga motimbang isip bana ug isip imong amahan.
Imagina ug wa pa siya moabot sa inyong kinabuhi ug mag unsa na lang mo labi na imong papa wa gyuy pakabana ninyo?
Di ra ba sa tanang higayon makasugat ta og tawo nga moako sa responsibilidad nga di iyaha. Ayaw anang pride nimo ug selfishness, wa na padulngan.
PAPA JOE