Dear Papa Joe,
Tawga lang ko sa ngan nga Jelly. Naa ko sa USA karon isip usa ka nurse. Naa koy ka relasyon o ka live in diha sa una. Nagplano gyud mi nga magpakasal. Maayo ang dagan sa among relasyon, Paps, kay buotan man siya. Pero ang problema kay ako.
Sa tinuod lang, wa siya nasayud nga nakaanak ko diri kay timing man sad nga pandemic to. Wa siya kabantay nga nidako akong tiyan kay ako ra man siya i-message o video call nga nawong ra. Basta maayo kaayo nako pagkatago. Mao ni akong problema ron kon ako ba siyang sultihan ug makigbuwag na lang sad. Tambagi ko.
JELLY
Jelly,
Klarohi na lang gyud siya para di siya magdahum. Sultihi sa tinuod nga mao nay nahitabo.Lisod man magdahum siya. Pero klaruhon nimo if ever modawat siya nimo nga di sab ka nahimo’ng taytayan sa iyang gusto. Basin gamiton lang ka para maka abroad sad siya.
Make sure nga nadawat ka niya kon unsa na ka karon. Suwayi lang, Day, basin sab og mosabot ra siya nimo nga tawo ra ug masayop. Basta sulti lang gud sa tinuod. Salamat.
PAPA JOE
(Sa inyong tampo, ipadala lang sa papajoesuperb@gmail.com)