Dear Papa Joe,
Tawaga lang ko sa pangan nga Tope, 30 plus na ang edad minyo ug may usa ka anak. Ang akong problema kay kabahin sa akong pamilya sa laing lugar. OFW man gud ko unya kani sila grabe mangayo ug kwarta niya ila ra I sayasaya kauban sa akong mga igsuon, unya kung akong sukmatan kay masuko ug ingnon ko nga hakug. Ang akong asawa ingnon ko nga di na daw nako obligasyon tanan ngadto nila kay may mga trabaho naman sila. Siguro Paps kay gatuo sila nga daghan ko og kwarta kay naa ko sa laing nasud. Unsa may buhaton nako para makasabot sila ug di moabusar. Palihug tambagi ko.
Tope
Tope,
Di raman siguro ikaw ang naka experience ana, naa gyud tay toxic family. Para nako wa gyu'y sakto nga approach ana kay depende man gud na sa pamilya kay naa say mga upbringing nga lisud na tul-iron sa kaarang mga tawo. Sama nga kinahanglan mo bawos ta sa atong mga ginikanan, wa ma nay problema kay kung maayo sab pagkadala ang mga anak kay di na kinahanglan sultihan kay motabang na. Pero sama nimo naa man kay pamilya na, imo silang pasabton kay sila sad mismo naka experience unsaon pag sugod og pamilya. Usa sad sultihi sila sa tinud-anay nimong trabaho ug unsa kalisud. Basin pa diay makasabot sila. Ayaw lang sad putla ang inyong communication kay makasamot na nuon na. Maka feel raman gyud na sila ba, Pero kung anaron nimo, aw kabaw naka sa resulta. Ampo lang sa Ginoo nga makasabot ra sila.
Papa Joe