Talk to Papa Joe: Tungod sa kagahapon

Dear Papa Joe,

Tawaga lang ko sa ngalan nga Lyra, 22 anyos ug nagtrabaho sa BPO.

Diri nako nahimamat ang akong pamanhunon unta. Unta kay di na madayon.

Dili man gud tanang butang matug-an nato sa uban ug bisan nasayud ko sa ginagmay’ng mga detalye, pero wa nako dakua.

Si Mama man gud nagtrabaho isip GRO sa una.

Pero dihang nagdalaga na ko, niundang siya ug nanawat na lang gani og labada.

Bisan unsa ang iyang gisudlan basta nahisubay lang sa tarong.

Fast forward, dihang namalaye ang akong uyab, sa kalit lang nausab ug namauli sila nga wa mi nasayud sa tinuod.

Kay diay nasayud ang amahan nga GRO ang akong mama ug nahimo pang kustomer sa akong mama ang iyang papa sa una.

Wa na gyud mi nagkita sa akong BF sukad niadto. Mag lima na ka buwan.

Unsay buhaton ko? Palihog tambagi ko.

LYRA

Lyra,

Siguro dawaton na lang nimo ang sitwasyon nga di gyud mo angay sa u­sag-usa.

Naa siguroy dakong rason kon ngano. Di kaha igsuon mo mao nga gidid-an siya nga makigkita nimo.

O wa ta masayud basin dako’ng kagubot ang nahi­tabo sulod sa ilang pamilya sa nahibaw-an nila kabahin sa imong mama.

Padayon lang, Day. Taas pa ka og latason.

Makakita pa ka og lain. Naay mga panghitabo ning kalibutana nga nahitabo gyud para mahimo tang lig-on.

PAPA JOE

(Sa inyong tampo, ipa­dala lang sa papajoesuperb@gmail.com)