Dear Papa Joe,
Ako diay si Romel, 22 anyos na ang panuigon. Ang akong problema kay kabahin sa akong love life. Naa man gud koy gipanguyaban hangtod karon wala pa man gyud ko niya sugta.
Ok ra unta ug pasaligan ko. Two years nami sige’g kuyog kuyog pero everytime nga mohisgot ko kon kanus-a ko niya sugton kay dili gyud siya motubay. Moundang nalang kaha ko ani no?
Kay murag usik man sa panahon unya mura man ko’g walay padulngan. Basin naa ra ni siya giapas nako ba kay sa panahon nga magkinahanglan siya nako kay naa dayon ko.
Dili man pinansyal kon dili kanang magpauban ba ron siya nako pero dili sad malikayan makagasto gyud ko kay mang-snack man mi.
Siguro mopalayo na lang ko basin pa mingawon siya nako. Tambagi daw ko if mopadayon ba ko.
ROMEL
Romel,
Ayaw lang sa pagdalidali sa desisyon nga moundang ka. Basin positive gyud diay ug naa lay rason ngano’ng wa siya motubag. Basin mga bata pa mo kay wala man nimo gisulti pilay mga edad ninyo. Basin gidid-an siya mag-uyab-uyab kay bata pa.
Pero naa na kay lugar sa iyang kasingkasing kay sige na baya diay mo ug kuyog kuyog. Pero ikaw mismo maka-feel man ta ka, suwayi kuno nga dili kaayo ka mopakita niya basin mingawon pa siya. Naa ra bay giingon action speaks louder than words. Basin MU namo. Prangkahi na lang gyud ug tarong.
Papa Joe