Dear Papa Joe,
Tawga lang ko sa name nga Ms. Confused. Nakapaminaw bitaw ko sa imong YouTube channel nga Dear Papa Joe ug timing kaayo ang istorya ni Reena ug ako. Ang nakalahi lang kay ako gyud ning tinuyoan nga namabdos ko sa edad nga 16 anyos.
Same sad mi sa taga Lapulapu pero kini ako tungod ni sa pag-apil-apil og gang.
Duol ko sa among leader ug feeling entitled ko mao nga dali ra kay ko nakahatag sa akong pagkababaye ug mao na ni, niresulta gyud. Magtulo pa ka buwan akong tiyan ug gusto ta nako ipakuha pero nahadlok sad ko.
Karon ra ko naka realize sa akong katanga nga unta bright man ko. Karon pa ko nakabatyag og kahadlok sa akong mga ginikanan nga maldita man ta ko. Unsa may akong buhaton? Tambagi ko.
Ms. Confused
Ms. Confused,
Masuko gyud ang mga ginikanan day kon mao nay nahitabo sa ilang anak. Pero makapangutana sad na sila asa sila nagkuwang kay kon wa sad na sila’y matawag ta nga pagkuwang, di sad ka maabot sa pagsulod og grupo grupo kay masubay man gyud ka sa sakto.
Wa ko mopabor nimo ha? Pero nisabot ko nga linghod pa kaayo ka og panghunahuna mao nakabuhat ka ana. Mao nga nakaingon ka nga tanga ka after realizing.
Karon, tug-ani na lang gyud imong mga ginikanan kon nakakuha ka og leksyon atong episode nako sa YouTube. Luoy ang mga bata, mao na nga kon naka-realize ka sa kuwang sa imong kinabuhi, ipuno kana sa imong anak puhon.
Wa sad ta masayod mao sad na ang yawe nga matarong to inyong leader ug maka-realize sad. Who knows?
Papa Joe
(Sa inyong tampo ipadala lang sa papajoesuperb@gmail.com)