Dear Papa Joe,
Tagua lang ko sa pangalan nga Mr. Confused, 20 years old ug taga diri ra sa Cebu. Naa koy uyab pero LDR mi kay naa man siya sa Bohol ga-school. Ang akong suliran kay kabahin aning akong classmate nga babaye, sige man gud ni siya ug dikit nako unya gisamokan na kaayo ko ba. Wala man sad siya moingon nga nakagusto siya nako pero kana ganing halos asa ko basta naa sa school sige og duol duol nako.
Sa tinuod lang guwapa siya, sexy ug buotan pero ako gyud siyang gi-discourage kay hadlok ko makasala sa akong uyab. Ako siya i-bully ug insultohon hangtod nga wala na siguro siya kaagwanta nipalayo siya nako. After pila ka days, weeks kalit lang ko gimingaw niya ug murag dili na hinuon nako kaya nga wala siya ug mas mingawon na nuon ko niya kaysa akong uyab.
Pero dihang nagkita mi ako siyang giingnan sa tanang rason pero iyang tubag nga assuming ra daw ko, dili daw ko niya type ug iyang treatment nako kay mura ra og igsuon. Sukad ato kay nainsulto ko ug dili na nuon ko kalimot niya ug karon na-challenge ko. Mao ni 'ya akong patambagan, mopadayon ba ko panguyab niya?
MR. CONFUSED
Mr. Confused,
Ako pa nimo ayaw kay duna na kay uyab ug kon gusto ka buwagi usa imong uyab pero ayaw pagdahom nga kon buwag namo sugton sad ka sa babaye.
Basin inyong mga rason pareho ra ug lisod magkatagbo. Ikaw nanginsulto kay dili ganahan ma-fall niya kay naa kay uyab, ug siya sad niinsulto nimo ron kay inigsuon ra iyang treatment nimo nga pwedi it’s a form of defense tungod sa pride.
Kon gitudlo na gyud sa imong kasingkasing nga siya, be a man nga plantsahon sa nimo tanan unya pahibaw-on nimo imong uyab nga lisod ipadayon, ug kon ok na manguyab ka sa imong classmate pero ayaw lang pagdahom nga mosugot sad siya.
Importante matubag na unsay yangungo sa imong dughan.
Papa Joe