Misyon karon sa Filipino cager nga si Carl Tamayo nga mapun-an ang iyang koleksiyon sa overall nga titulo sa pagsugod sa 2025 KBL Finals.
Ang team ni Tamayo nga Changwon LG Sakers mabangga sa top-seeded Seoul SK Knights sa championship, diin ang duha ka teams nagtinguha og luna sa kasaysayan.
Ang Filipino import nga si Tamayo, dako og matabang sa Sakers aron makuha ang kampiyonato, kay lakip man kini sa players nga tag-as og produksiyon sa team.
Nag-average ang kanhi UP Fighting Maroon og 15.1 puntos, 5.8 rebounds, 2.2 assists sa regular season.
Gipadayon ni Tamayo ang maong performance sa playoffs, diin mi-average siya og 15 puntos, 4.7 rebounds, ug 2.0 assists per game sa ilang dominante nga 3-0 semifinal sweep sa Uslan.
Gitabangan ni Tamayo ang Sakers sa ilang ikatulo nga KBL Finals appearance sa franchise history ug ang ilang una sukad sa 2013-14 season.
Kon makuha nila ang titulo, mao kini ang unang KBL title sa Changwon, ug mahimo si Tamayo nga unang Filipino player nga dunay titulo sa Japan ug sa South Korea nga liga. / RSC