Dear Noy Kulas,
Tawga lang ko ug Deboy, 49 anyos na ko, minyo ug dunay mga anak.
Dugay na mi nagbuwag sa akong asawa kay nikuyog sa iyang ex boyfriend pag high school.
During sa years nga wa siya, ni-concentrate ko og atiman sa among mga anak nga karon dagko na.
Naa pay nag-eskwela but nitabang man pud akong ubang anak nga nag work so di na kaayo bug-at ang gasto.
Naka meet ko og babaye nga younger nako og 14 years nga buotan kaayo. Bisan sa among age gap, love kaayo ko niya. Pila ra may estorya, mabdos siya karon. Niatubang ko sa iyang parents ug nakasabot sila sa akong situation. Aron mi makasal sa ilang anak, ready sila mogasto sa annulment sa akong kasal.
Wa unta koy problema sa ilang proposal pero pag-estorya nako sa akong ex-wife di siya mosugot.
Basin kuno kon mamugos ko iya kong ikiha. Worried na hinuon kaayo mi sa akong GF but wa namo sultihi ang iyang parents.
Mahimo ba nga makiha ko sa akong ex-wife? Daghang salamat sa imong pagtagad sa akong suwat.
DEBOY
Deboy,
Kon ang imong asawa dunay anak sa laing lalaki, lisod siya nga makakiha. Samot na kon sobra na mo sa 10 ka tuig nga nagbuwag ug nipuyo siya uban sa laing lalaki kay di na masulod sa prescription period ang pagkiha niya.
Mas duna ka pay ebidensya batok niya kon duna silay anak sa lalaki nga iyang gikapuyo.
Naingon ana tingali siya kay basin niumento na ang imong estado sa kinabuhi ug mosakay siya kay siya man ang maka benefit asawa.
Kon dugay na siyang nibiya nimo, mamahimo ra mo-file og annulment sa kasal kay wa na man siya maghimo sa iyang mga responsibilidad isip asawa ug inahan.
Wa na siya nakahimo sa iyang responsibilidad so mahimo ni nga pasikaranan. But mas maayo mokonsulta mo og abogado.
Di ra ba ni dali nga proseso ug mahal pa kaayo. Swerte ra ka nga ang iyang parents ready mogasto. Lihuka dayon na ninyo. Ayaw kahadlok kay di ka man dehado sa imong asawa.
NOY KULAS
rojval69@yahoo.com