Dear Noy Kulas,
Sa akong age nga 28, nagsugod na ko og serious pagpangita og lifetime partner. Ako diay si Luz, taga Cebu City. Naa koy friend for two years nga matawag nako nga boyfriend bisan wa siya nag-court nako. Mutual understanding ba ang tawag ana? Kay sukad nagka-close mi wala na mi gasulod og laing relationship. We did kissing but wala namo buhata nang couple thing.
Naa lang koy problema kay kini siya atheist nga opposite kaayo sa akong upbringing. Akong parents conservative Catholics ug pirme mi mag rosary if naa ming tanang family members. Active kaayo ang akong family sa church. Ako na siyang gidala several times og simba pero mokatawa ra man. Unsa kaha ang akong buhaton? Buotan man siya. Kana lang pagka atheist ang nakaapan niya.
LUZ
Luz,
Kon nagtuo kag Ginuo, iapil sab siya sa pag-ampo nga imo siyang ma-convert ngadto sa pagka believer. Ikaduha, klaroha siya sa iyang mga plano alang sa inyong future, magpakasal ba mong duha or magpabilin mo nga uyab lang? Kay if naa siyay plano nga magpakasal, demand nga sa simbahan. Diha nimo masukod kon unsa kalawom ang iyang gugma alang nimo kay andam siyang modala nimo sa kaminyuon sa simbahan.
Karon pa lang maklaro na sab nimo ang direksyon, naa ka bay kaugmaon uban kaniya o wala? Maayo nang maneguro ka. If wala siyay planong magminyo mo, biya sa mao nga relasyon. Mag-unsa man nang relasyon nga nasukwahi sa imong plano ug ideals? Kana maoy huna-hunaa og maayo.
NOY KULAS
rojval69@yahoo.com