Tambagi ko Noy Kulas: Baga og nawong

SunStar Tambagi ko Noy Kulas
SunStar Tambagi ko Noy Kulas

Dear Noy Kulas,

Tawga lang ko sa ngalan nga Langga. Single ko but di lovelife ang akong problema. Parte ni sa akong brother-in-law nga baga og nawong.

Bana ni siya sa akong ma­gu­wang nga bag-o lang na­matay. Nangipon ra ni sila sa akong parents ug wa silay anak. Ang akong maguwang na­matay sa heart attack human siya na-diagnosed nga na­ay sakit sa heart adtong 2019.

Nakaingon ko nga baga og nawong ang akong brother-in-law kay bisan patay na ang akong ate naa gihapon siya puyo sa amoa. Naa pay time magdala og iyang mga barkada nga unta balay na sa akong parents ug wa na siyay labot ana unta kay patay na ang akong maguwang. Amo na siya gihinginlan kay nakakita mi nga nangabuso na siya but moingon man nga nakatampo siya sa pagpaayo sa balay. Amo siyang giingnan nga amo siyang bayran sa iyang nagasto kon naa man. But di sab siya mohatag og amount.

Mapapahawa ba na siya namo, Noy Kulas? Mahimo diay nga mangwenta siya sa iyang gasto, nga buot huna-hunaon maorag sa ako man tong ate gani ang kwarta? Unsay among buhaton aron mapahawa ni siya?

LANGGA

Lang,

Ipatawag na lang na ninyo siya sa barangay aron makab-ot ang kasabutan kabahin sa pagpahawa niya gikan sa balay sa inyong parents. Ibutang ta lang nga nakagasto tinuod siya sa pagpaayo sa balay, mahimo ra man siyang bayran o ulian sa gasto bisan kon wa siyay ikapakita nga mga resibo sa kantidad ug sa mga napalit nga materyales.

Maayo unta og buhi pa ang imong ate, apan patay na man. Busa, ang sulbad niana mao ang pagpatawag kaniya sa barangay kay wa man siyay katungod na human namatay ang imong maguwang. Di man siya usa sa mga party nga makapanunod sa inyong balay kay bana lang siya.

Maayo ra sab unta kon buotan siya ug makita nga gusto pa siyang mopuyo kay maghandom sa imong ate. Kana unta angay siyang hatagan og igong panahon sa pag-grieve. Apan kon ingon ana na man lang, binastos man na ang iyang gibuhat. So, buhata ang tanan nga mahinginlan siya kon di siya magrespeto ninyo.

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph