Dear Papa Joe,
Palihog lang ko og tago sa akong tinuod nga name. Marga lang ang ibutang. 30 years old diay ko ug ang akong problema kabahin sa lovelife nga lisod kaayo sulbaron kay nabiktima ko sa gugma.
Nakarelasyon nako hangtod karon ang bana sa akong ig-agaw. Taga Mindanao man ni siya ug ang iyang bana diri nagpuyo sa akong mga ginikanan ug didto namugna ang among bawal nga relasyon. Wa ko masayud kon nganong di ko kabiya niya ug gusto pa gani nako magkabulag sila para lang ma-solo nako ang iyang bana.
Nasayud ko nga maglagot gyud nako ang mga nakabasa karon pero mao ni rason kon ngano nga nisuwat ko kay basin pa diay malamdagan ko.
MARGA
Marga,
Sa pagkakaron, moingon ka di kay wa pa mo masakpi apan kon mabulyaso na gani mo, yayay gyud ka. Mura nag bisyo ba nga di kunohay ka kabiya unya kon masakit kay mobiya ka pero kon may tagal na gani ka sa imong kinabuhi, diha nimo mahurot ang imong pagmahay sa imong huna-huna kon nganong wa ka mopatuo sa mga tawo nga nitambag nimo.
Day, akong ikatambag nimo mao nga mo-join kaha ka og religious activities para makaamgo ka kon expose na ka sa mga tudlo sa Ginoo. Kay karon imo rang kaugalingong kalipay ang imong gihuna-huna. Wa nimo huna-hunaa ang pamilya sa imong ig-agaw.
PAPA JOE
(Sa inyong tampo ipadala lang sa papajoesuperb@gmail.com )