Dear Noy Kulas,
I-hide lang ko sa ngalan nga Delia, 31 years old. Naa koy BF nga itago lang nato sa ngalan nga Roy.
Mga one year kapin na mi ni Roy but sa ana nga kadugayan sa among relationship, mystery gihapon siya nako kay dili siya taga Cebu, taga Mindanao siya.
Maihap na lang tingali sa tawo karon nga way Facebook but usa na siya ini.
Dili kuno siya ganahan nga mag-Facebook kay hasulan siya. Mabuhi kuno siya nga wala ni.
Gani ang among communication eversince kay through text and calls kay bisan Messenger wala siya. Until now mao ra ni.
Ang nakahasol nako kay ang akong maguwang nga lalaki ug friends moingon nga bayot siya kay gibasi nila sa lihok kuno.
Mahinhin sab ni siya molihok. Ako na siyang giingnan mokatawa ra man.
Nahibulong sab ko kay bisan kiss na lang wala gyud ni siya nanghangyo nako.
Di siya same sa ubang mga lalaki nga na-BF nako nga sobra pa sa kiss ang gihangyo but wala nako gihatag. Noy, tinuod kaha nga bayot siya? Unsaon nako sa pag-confirm kon bayot ba siya?
DELIA
Del,
Ilha una siyag maayo pinaagi sa iyang friends kay molutaw ra ang tinuod kon bayot ba siya o dili.
Basin gigamit lang ka nga decoy aron magtuo ang iyang pamilya nga lalaki siya.
Kon closet gay siya, dili ka makakuha ana nga information sa iyang pamilya, kon dili sa iyang close friends.
So, ingna siya nga makig-ilaila ka sa iyang mga barkada kon wala ka pa niya gi-introduce.
If naa silay bonding, hangyoa siya nga mouban ka. Tingali niana maka-confirm ka kon bayot ba siya o dili.
Kon maka-confirm ka nga bayot siya, imo ba siyang buwagan?
Diha ka na mo-decide kon worth it ba nga ipadayon o dili.
Naa bayay marriage sa mga ingon niana nga natunhay ang pagpuyo kay naninguha ang gay nga dili siya maanod sa tentasyon sa mga gwapo o sa mga lalaki nga iyang nagustohan.
NOY KULAS
rojval69@yahoo.com