Tambagi ko Noy Kulas: Bisexual diay

Dear Noy Kulas,

Tawga lang ko sa ngalan nga Peloy. Single ko but duna koy fiance. Bisexual ko, Noy.

Wala nakahibawo ang akong girlfriend aning akong sitwasyon. Nakarelasyon ko og lalaki sa high school ug college pa ko but since nagkarelasyon mi sa akong GF wala na ko mopatol og same sex bisan ganahan unta kaayo ko.

Karon lang, naka-close nako ang usa ka kauban sa work. Nitug-an siya nga bisexual siya ug ganahan siya nako, pero wala ko mosulti nga pareho ra mi. Kabalo siya nga kaslunon na ko. Wala hinuon nako siya gibasted kay mutual ang among feeling, but wala sab ko ni-say yes. Noy Kulas, naglibog na ko sa akong sitwasyon. Ganahan ko niya but committed na man ko sa akong GF. What to do kaha?

PELOY

Peloy,

Ayaw na lang gyud pagsulod og relasyon tali anang imong kauban. Nangita ka lang og labad sa ulo ug dakong problema ang mamugna. 

Maulawan pa tingali ang imong pamilya labina kon naka-schedule na ang inyong kasal.

Lisod tuod pugngan ang feeling but makaya gud na if molikay na ka nianang imong kauban sa trabaho. 

Kay kanang feeling sama na og kayo, kon sigehan nimo og sugnod, magkadako ug dili na mapawong ug mapugngan. 

Sa sige ninyong kuyog, modako ug molawom ang feeling. 

So putla ang panagsuod ninyong duha.

NOY KULAS

rojval69@yahoo.com