Tambagi ko Noy Kulas: ‘Child abuse’

Tambagi ko Noy Kulas: ‘Child abuse’
SunStar Tambagi ko Noy Kulas

Dear Noy Kulas,

I-hide lang ko sa alyas nga Ria, 35 years old. Taga Cebu City ko and minyo na sab. Ang akong bana naa sa abroad nag work.

Ang akong problema parte ni sa akong pamilya. Naa ra mi sa usa ka compound nagpuyo.

Kining akong maguwang nga lalaki minyo na unya dunay mga anak.

Wa mi nakatilaw og bunal sa among parents pero kining akong brother grabeha makadapat sa iyang mga anak.

Unya maapil pa og pasakit iyang asawa kay maluoy sa mga bata.

Wa na mi kaagwanta ni Mama, amo na siyang gibadlong pero nasuko ug nanghagis na man hinuon kay nganong manghilabot mi.

Di baya mi laing tawo ug nagtabang sab mi sa ilang gasto sa pagpaeskwela sa akong pag-umangkon.

Ako na siyang giingnan nga if di gani siya mohunong sa pagpasakit sa mga bata, amoa na siyang ireklamo sa barangay.

Maayo ba ang akong plano? Di kaha mapriso ang akong maguwang kon among isumbong?

RIA

Ria,

Di pa na mapriso ang imong maguwang kon inyo nang isumbong sa barangay pinaagi sa pagpatawag niya.

Usually warning lang na ang himuon sa mga opisyal labina kay mga residente man mo sa dapit.

Di na siya idiretso og reklamo ngadto sa kapulisan alang sa pagpasaka og kaso.

Mas maayo nga inyo siyang ipatawag kon di man siya mohunong aron magpanagana siya sa sunod.

Di mo angay mahadlok kay nagbarug mo alang sa katungod sa imong pag-umagkon nga giabusuhan sa ilang amahan.

Basin madugayan duna pay lain nga epekto sa pangabuso kon inyo lang kini nga pasagdan.

Kon disiplina man, di sab kanang maora og nagpatay og baka o kabaw.

Igo nang gamay o gaan nga corporal punishment kon ako man ang pangutan-on.

Mas maayo nga mosinati og silot ang bata sa consequences sa ilang aksyon samtang linghod pa ang panghuna-huna.

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph