Dear Noy Kulas,
Maayong adlaw ninyong tanan. Ako si Clint, 34 years old, minyo ug dunay duha ka anak.
Ang akong problema parte ni sa akong asawa nga grabe ka gastador. Maayo ni siya og suweldo kay nako kay managerial na ang iyang position while ako ordinary employee lang. Intelligent man gud ni akong asawa, kahibawo kaayo sa iyang work. But kon unsa siya ka bright, ana sab siya ka poor sa iyang budget. Gasto kay gasto lang mao way savings. While ako tagu-tago nga nag-save. Pero mao lagi makuhaan ra sab kay gasto sa tuition sa mga bata ug akong ibayad sa iyang mga utang.
Mao ni ang among awayan kay masuko man siya if maghisgot na mi og budget. Masuko sab siya if mangutana ko niya unsay nahitabo sa iyang suweldo. Please tambagi ko, Noy Kulas, unsay akong buhaton kay kabulagon na kaayo ko sa akong asawa.
CLINT
Clint,
Patabang sa imong in-laws o tibuok pamilya aron makatabang sila og estorya niya. Sakto ka, importante kaayo ang savings pang emergency bisan kon naa moy health cards. Ako ning gi-assume kay sagad sa companies karon naa ni isip parte sa compensation package. Mogasto baya gihapon sa tambal kon dunay masakit ug out-patient.
Gikinahanglan nga mag-save kay samtang dili pa kaayo dako ang galastuhan, duna na moy giandam, labina sa college nga mahal na kaayo ang tuition. Lahi ra gyud kon dunay magamit nga pang-emergency.
Kon dili man gani, pag-angkunay mo sa galastuhan sa balay sibu sa budget base sab sa inyong suweldo. Ayaw lang sab buwagi kay madala pa man na og estorya sa hinayhinay aron makaamgo.
NOY KULAS
rojval69@yahoo.com