Dear Noy Kulas,
Ako si Amil, 30 years old. Naa koy girlfriend nga bisan in love ko, usahay gusto na kong mo-let go. Ato lang siya itago sa name nga Cindy.
Arangan sila pagkabutang kay ang iyang daddy naa sa abroad nag-work as manager sa usa ka company. Duha lang sila ka magsuon and ang iyang mommy naa puy business. So they can afford. Nagkauyab mi ani niya kay ganahan siya nako since nagkaila ming duha through a mutual friend. Ingon sa akong amiga na love at first sight siya nako. Dili man kaayo siya gwapa but sexy ug maayo manuot.
At first, maayo man siya but nagkadugay akong naobserbahan nga picky siya nga pagkatawo. Dili siya ganahan og poor ug ordinary nga tawo nga ikakuyog. Pilion ra niya ang iyang tagdon. Himantayon pud nga pagkababaye.
Kon picky siya, duna siyay good side. Kusog siya manghatag og pagkaon sa street dwellers. Unya dili siya showy. Kadaghan na mi gakuyog nga kami rang duha manuol anang mga nangatulog daplin sa dalan, manghatag og senina ug food nga way picture picture. Usahay makit-an nako siyang maghilak nga magtan-aw nila.
Ang akong friends sige na og ingon nga pabuwagan kay dili sila ganahan. Unsa may akong buhaton? Akong friends galikay na nako tungod niya. I need your advice.
AMIL
Mil,
Naay mga tawo nga sama sa imong uyab—pilian og tagdon, pero dili pasabot nga bati sila’g batasan. Nangita lang gyud silag specific nga nature sa tawo, usahay masabtan nga arte o picky. Hayan di siya ganahan og social climber ug introvert pud siya nga di himarkada
Dili sab siya bati kay she has a soft heart sa mga kabos nga naa sa kadalanan. Dili siya tigpakaaron ingnon nga pagkatawo kay wa man kahay fanfare ang iyang pagtabang kuyog nimo? Kon tig-show pa na siya sa iyang gihimo, kana pretender siya. Real gyud nang iyaha.
Ibalanse lang imong oras para niya ug sa barkada. Dili kinahanglan mamili. Ang lovelife nimo, imoha na, dili dapat hilabtan sa uban.
Ayaw siya dad-a sa tapok sa barkada. Kon maglaag mo, kamo ra duha. Respetuha pud kon di siya ganahan sa imong grupo. Hangyoa lang sab siya nga makakuyog ka sa imong mga barkada. If control freak ra sab kaayo siya, then, let go. Angay mong magrespetuhay sa usa’g usa.
NOY KULAS
rojval69@yahoo.com