Dear Noy Kulas,
Tawga lang ko sa ngalan nga Steve, taga gawas Noy Kulas, pero sige gihapon mi og chat sa akong ex-girlfriend. Ato lang itago sa pangalan nga Tigre.
Wala na ko niya gi-block sa FB pero once in a while kaniadto iya ning gibuhat. Sulti siya nga if ever mouli ko since kabalo na ko asa siya, don’t even try kuno nga mobisita ko. Don't ask kuno niya nga to meet her daw inig uli nako sa Cebu.
Niingon siya nako nga sorry pero dili siya ganahan mag-assume ko or mag expect or anything.
Pero ganahan gyud ko makigbalik ug makigkita niya. How bout akong usbon ang akong lawas nga magpamacho ko ug mag-gym ug magpagwapo og maayo. Does it help to change her mind? Ganahan ko makigkita niya og balik sa Cebu.
STEVE
Steve,
Nindot unta kon dunay background nga imong gihatag parte sa inyong relasyon ug unsa ang iyang status. Kon minyo, ayaw na lang kay maka-create lang ka og kagubot. Kon single, try your luck.
Dili tanang babaye ganahan og dagko og lawas. Mas ganahan sila sa character sa tawo.
Kay kon ang tanang mga babaye ganahan pa og dagko’g lawas, tanang mga lalaki nga nangaminyo dagko og lawas.
Naa may dako na gani og tiyan nangaminyo man. O kasarangan ra og barog nahalin gihapon kay lagi character ang gipangita sa babaye.
Ikaduha mao ang stability kon financial nga aspect sa tawo. Kana makakita ka niana sa mga babaye nga naa na sa 30s.
Pero niingon man ka nga dili siya ganahan nga mag-expect ka, basin dili gyud siya ganahan nimo.
But try og gym, paporma sa imong lawas samtang naa ka sa abroad ug pagpaporma sa imong gisul-ob kay basin mausab ang iyang perception diha nimo, mosugot na siya.
Unya bisitahi siya kay duna baya say mga babaye nga opposite ang gisulti sa tinud-anay nilang gibati.
Okay ra nang imong nahuna-hunaan but don’t expect 100 percent nga mo-work na. Good luck sa imo unyang pag-uli.
NOY KULAS
rojval69@yahoo.com