Dear Noy Kulas,
Just hide my real identity. Hide lang ko sa name nga Venny, 26 years old and single.
Dugay na mi sa akong boyfriend, mga two years but bag-o lang ko niya nadala sa ilaha. Duha ra sila, pulos mga lalaki. Siya ang eldest while three years ang ilang age gap sa iyang manghod. Kami rang edara sa iyang brother.
Naay time nga niadto ko sa ilang balay kay gipaadto ko sa akong BF. Gatuo ko nga naa siya sa akong pag-abot. Ga inform siya nako nga naa silay emergency meeting ug madugay siya. Ang iyang brother mao ra ang naa sa balay. Nag watch siya og movie ug niapil lang sab ko. Ambot dunay nudity ang movie ug while gatan-aw mi, nanginit tingali mi, gatutokay and then duna lay kalit nga nahitabo namong duha. Naanod ko sa akong feeling ug nahilabtan ko niya. Wa mi tingganay human. Dali ko nga nibiya sa ilaha ug nanawag ko sa akong BF nga need ko mag rest.
Ang problema karon mabdos ko ug sure ko nga ang father ang iyang brod kay sa among two years wa man ko nimabdos. Unsay akong buhaton?
VENNY
Ven,
Sultihi ang imong boyfriend sa nahitabo nimo kay aron sayo pa lang, magsugod na ka sa pag atubang sa problema, nga maoy sinugdanan sa peace of mind. Magubot man gyud ang pamilya kay wa may malipay sa nahitabo tali ninyong duha. But mas maayo nga ikaw ang mohukom sab unsay gusto mong padulngan kay kamo mang duha sa iyang igsuon ang nakasala. Pahukma siya unsa man, magbuwag mo o di.
Ang iya sang igsuon sukta, manubag ba siya o di? Pero warning lang, wa magpasabot nga kay wa ka nimabdos sa past sa the same nga lalaki, nga di ka momabdos sa same guy. Naay mga magtiayon nga dugay nakaanak, ten years. Basin the same ang nahitabo. So, before ka mo decide kon tumanon mo ang akong advice, pangayo og doctor’s opinion, labina gyconologist regarding sa imong sitwasyon. If possible nga ang imong BF ang papa, then be silent na lang aron malikayan ang kagubot. But likay na nga mausban pa ang nahitabo ninyo sa iyang igsuon.
NOY KULAS
rojval69@yahoo.com