Dear Noy Kulas,
Tawga lang ko sa ngalan nga Vivian, 19 years old, college student pa.
Buwag na ang akong parents dugay na kaayo dihang gamay pa kong bata. Ang gaatiman nako ang akong lola kay si Mama ga-work. Wala gyud magminyo o mosulod og relationship si Mama. Instead iya kong giatiman og maayo. But last year namatay siya. Maayo gani naa pa ang akong lola nga maoy akong kauban sa balay.
Adtong February ang akong papa nga duna nay laing pamilya ni-contact nako kay gusto niya adto ko niya papuy-on sa ilaha kay siya ang mogasto og tiwas nako sa college. Niari gyud siya sa balay nakig-estorya nako ug sa akong lola. Wala ko ni-refuse or ni-okay kay ako pang hunahunaon mao nga magpatambag ko nimo. Unsay imong ikatambag nako?
VIVIAN
Vivian,
Alang nako okay kaayo nang offer niya nimo kay at least naa siya galantaw diay sa imong kaayuhan. Dawata ang iyang offer but not necessarily nga imong biyaan ang inyong balay, labina ang imong lola nga maoy gaatiman nimo sukad sa bata ka pa. I know deep inside ang imong lola gimahal ka niya og maayo. Kon mahilayo ka dako kaayo na og impact niya. Di lang na siya mosulti.
Mahimo man nga mo-support ang imong papa nimo nga wala kinahanglanang mopuyo ka uban kaniya. Dawata ang offer but ayaw biyai ang imong lola.
NOY KULAS
rojval69@yahoo.com