Tambagi ko Noy Kulas: Mabdos ang tomboy

Dear Noy Kulas,

Itago lang ko sa alyas nga Lady, 45 years old. Usa ko ka tomboy sukad sa bata pa ko. Akong lihok, sinultihan ug form lalaki but naay moingon nga kon magbinabaye ko gwapa unta ko.

Di ni mao ang akong problema. Ang akong problema kay mabdos ko og two months bisan sa akong edad. Magkatawa tingali ka, Noy Kulas, gabasa aning akong email.

But mao ni ang tinuod, na in love ko sa akong officemate nga manghod nako og edad but dunay live in partner. Naa silay duha ka anak.

Nagsugod ra ni ang among relasyon sa sungogay namong duha until na challenge ko, akong gihatag akong self. Karon wa ko nag expect, Noy, nga ma in love ko niya.

Wa man ko na worried sa akong family kay pinangga kaayo ko nila. Ang ako kay makataw-an ko nila kay tomboy ko unya mabdos. Unya mangutana sila kinsa ang amahan.

Ang akong boyfriend gusto nga siya ang mopirma nga amahan. Okay ra ba, Noy Kulas? Magpatambag ko nimo. Daghang salamat.

LADY

Lady,

Babaye na tingali ka, di na lalaki og feeling kay na in love na man ka og opposite sex. Legally wa man moy problema kay both of you are single bisan naa siyay kapuyo. So, ang tubag nako sa last nimong pangutana mao nga okay ra na kay legally wa siyay tulubagon kay live in ra man sila.

Ayaw panumbalinga nang estorya sa mga tawo. Ang importante mao ang imong pamilya. Mao na ang mga tawo nga importante alang nimo karon. As long as they are okay, wa kay angay nga ikabalaka.

Natural ra na sa mga tawo nga dunay opinion apan huna-hunaa sila bay nagpakaon nimo? Sila bay motabang nimo karon ug kon manganak ka na? Ayaw ka stress sa huna-huna sa ubang mga tawo parte nimo.

Wa na sab silay labot kinsa ang amahan. Ngano man, moamot ba sila sa imong kinabuhi? It is non of their business.

So ayaw lagi ka stress. Tutoki ang pagpangandam sa imong pagpanganak.

NOY KULAS

rojval69@yahoo.com