Dear Noy Kulas,
I-hide lang ko sa alias nga Dedee, 42 years old, single mother. Nag-edad nag 14 years old ang akong anak.
Way nakahibawo kinsa ang amahan sa akong anak kay wala koy gitug-anan bisan usa kay minyo ang lalaki nga amo rang silingan. Ako lang giingnan ang akong family nga acquintance lang ug nailad ko. Wala na sila magsige og pangutana kay same ra ang akong tubag. Pagmabdos nako amo nang gi-cut ang among relationship kay dili na ko gusto nga masundan pa. Wala na sab ko nisulod og relationship kay nahadlok ko.
Dako na ang akong anak nga babaye, naa na sab koy laing problema. Ang anak sa amahan sa akong anak magbisitahan sa amoa kay nanguyab. Half brother niya ang nanguyab. Pwertei nakong ka worry karon kay magsuon baya sila sa amahan. Unsay akong buhaton?
DEDEE
Dee,
Sultihan nimo ang amahan nga badlungon ang iyang anak, no matter what, sa pagpamisita sa imong anak. Unya ipa-monitor nimo og maayo ang imong anak ug ang iyaha aron di na sila mahinayak ug matumpawak sa laing problema. Kon sa kayo pa na, samtang wa pa nakadako pagngon na dayon unya bantayan nga di na mosiga pa og balik. Batan-on ra ba na, nagkayo ang feeling niana.
Kon naay opportunity o pwedi nga imong ibalhin ang imong anak temporarily sa laing dapit aron adto motungha, kanang layo gyud, mas labing maayo. Mao nay nahitabo sa usa nako ka classmate nga naka BF sa iyang first cousin, gibalhin siya diri sa Cebu gikan sa laing probinsiya. Sakto kaayo nga solution.
Ayaw gyud mo og kompyansa. Samtang wa pa nagdako, putlon na daan samtang sayo pa.
NOY KULAS
rojval69@yahoo.com