Dear Noy Kulas,
Tawga lang ko og Thelia, 55 anyos na. Biyuda na ko kay namatay ang akong bana last year.
Duna mi duha ka mga anak nga pulos na nag work. Ako dunay trabaho ug gamay nga negusyo nga among gipundar sa akong bana.
Kaluoy sa Ginoo maayo man ang dagan sa negusyo. Naka-save na ko og dakodako. But di na maoy akong problema. Naay usa ka batan-on nga babaye nga ni-chat nako sa Facebook.
Nipaila siya nga anak sa akong bana. Nipakita siya og pictures nga naa ang akong bana kauban sila.
Naa sab siyay birth certificate nga nagpakita nga pirmado sa akong bana isip amahan.
Nagdako siya sa iyang lola but since niadtong 2020, namatay kini.
Ang akong bana na ang nag-support niya sukad. Ang iyang inahan tua na sa abroad naminyo og foreigner. Nanghangyo siya og support kay last year na niya karon sa college.
Wa ko nitando kay na- shock pa ko. Tinuod gyud kaha nga anak siya sa akong bana? If tinuod man, mapugos ba ko sa pag-support? Tug-anan ba nako ang akong mga anak nga ang ilang amahan adunay anak sa laing babaye?
Tambagi ko, Noy Kulas, kay na shock ug naglibog pa ko.
THELIA
Thel,
Naa gyuy mga hitabo nga di nato damhon sama sa imong experience karon. Ayaw lang sab balibari.
But kinahanglan siya mo-prove nga anak siya sa imong bana.
If okay ra nimo paanhia siya sa Cebu ug padad-a og mga proof sa iyang gisulti kay kon pictures ug documents lang mapeke na karong panahuna, labina duna nay AI.
Alang nako, kon tinuod man ang tanan, suportahi na siya kay anyway one year na man lang na siya bisan kon di na imong obligasyon kay sa imo man nang bana ang responsibility. Gawas na man ka niana.
Sultihi ang imong mga anak nga duna silay igsuon. They deserve to know and magkaila.
Anyway patay na man ang imong bana, di ka na angay mabalaka sa reaksyon sa inyong mga anak.
NOY KULAS
rojval69@yahoo.com