Tambagi ko Noy Kulas: Manglili

Tambagi ko Noy Kulas: Nanghuwam nang-ghosting
SunStar Tambagi ko Noy Kulas

Dear Noy Kulas,

Maayong adlaw.

Itago lang ko sa ngalang Rez, nagtrabaho sa call center. Taga Leyte ko pero dia ko nagtrabaho sa Cebu ug nag-abang lang og room sa usa ka boarding house. Ako rang usa ang naa sa room kay di ko ganahan nga naay kauban kay wa koy privacy.

Nakadungog na ko og mga istorya parte aning among landlord nga medyo bastuson kon wa ang iyang asawa kay mobakasyon.

Kon siya ang mahabilin, mogawas ang kabastos sa baba.

Karon, dihang nabakante ang tupad nako nga room kay tingbakasyon na man sa mga student, nakabantay ko nga dunay mosulod ani kanang mag-ilis ko.

Didto ko nakabantay nga dunay lungag ang bungbong nga pwede maka peep sa akoa.

Ako ning gitabunan unta pero matangtang man ang akong gitabon. Way lain nga akong gidudahan, ang landlord namo.

Ganahan kaayo ko aning akong gipuy-an kay one ride ra padulong sa work pero naa may medyo maniac nga tag-iya.

Ako kaha ni siyang isumbong sa iyang asawa? Maayo kaha, Noy Kulas?

REZ

Rez,

Pangita na lang og lain nga kapuy-an kay posibleng panglili o buso lang na magsugod ang tanan.

Kuyaw pa kon makahuna-huna na og dautan nimo kon di na makaagwanta sa iyang gana sa pagsige og pantasya nimo.

Sa ubang mga kaso sa pangabuso, sa tan-aw lang na nagsugod hangtod nga wa na kapugong sa gibati nga gana, nahimo ang krimen.

Lisod na kon niana ang sitwasyon sa imong gipuy-an karon.Mas maayo nga maglikay.

Ayaw na lang na sultihi ang asawa but mo-warn ka sa mga nagpuyo.

Kanang misis lisod na motuo kon wa kay ebidensya.

Usually, molaban ang asawa sa bana sa ingon ana nga sitwasyon.

But sa imong mga kauban nga babaye, mas maayo nga imong mapahimangnuan aron makapanagana sab sila o kaha mamalhin pud.

Basin di lang ikaw ang nakahibawo, basin naa pay lain.

Sa ako nang giingon, balhin og puyo. Di na lisod pagpangita og kapuy-an karon basta tingbakasyon pa.

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph