Dear Noy Kulas,
Maayong adlaw. Itago lang ko sa ngan nga Marie. Ang among relasyon sa akong kapuyo ang akong problema. Pito ka tuig na ming nagpuyo ug duna nay duha ka mga anak apan wa gyud siya nagpakasal nako. Kon ako na siyang hisgutan di gyud siya motubag unya molakaw dayon. Masuko kon ako siyang hisgutan sa kaminyuon.
Maulaw ko kay mo-ask ang ubang parents why di ko pareho og apelyido sa among mga anak kay ang surname man sa akong partner ang gidala sa mga bata, di akoa kay maoy iyang gusto. Rich family sila while ako ordinaryo ra.
Kadaghan na ko gisukna sa akong parents especially sa akong papa kon kanus-a mi kaslon kay namong mga magsuong upat, ako lang ang wa pa formally naminyo. Ang akong duha ka mga manghod nangaminyo na man gud.
Moangkon ko nga mas dunay time nga mag-bonding sila ug ang among mga anak. Mas ganahan sila sa ilang papa ug mas dako sila og time kay diri nako.
Tingali tungod kay mga lalaki ang among mga anak. Lahi ang akong hilig kay nila. Ang akong partner wa say pakialam diri nako kay if mobalibad ko kon dad-on sa ilang mga laag, deretso ra sab og tando.
Sa pagkahibalo sa akong amahan ani, iya kong gi-encourage sa pagpakigbuwag ug pag-uli sa among balay kay welcome kaayo ko.
Gusto kong makigbuwag ug mouli sa among balay apan maluoy ko sa mga bata. Basin unsay ilang bation kon mouli ko sa amoa. Magtuo unya sila nga akong giabandonar. Maayo kaha ang tambag sa akong papa nga biyaan ang among mga anak ug akong kapuyo?
MARIE
Marie,
Pasagdahi lang una sila. Reach out nila instead di ka mokuyog sa ilang mga lakaw. Kat-oni ang ilang mga hilig. Learn to love what they loved kay imo man na silang mga anak bisan kon pulong pa nimo wa kay hilig.
Pagpakita na sa imong gugma sa imong mga anak. Basin pa mausab ang perception sa imong partner diha nimo. Naa man sab guy ubang mga lalaki sayop og perception sa mga babaye nga ilang gituohan nga isnabera apan miscommunication ug misunderstanding lang diay sa usa’g usa.
Be a mother and act as a wife. Don’t focus sa unsay kakuwangan sa imong partner.
Kon ang imong effort di gihapon ma-appreciate, mao nang higayona nga panahon nang mobiya sa dapit nga wa ka kinahanglana. Just that kay basin sa imong absence diha pa sila makaamgo nga ila ka diay nga gikinahanglan.
NOY KULAS